Слово) с(вя)того Григория б(о)гословця изъобрътено въ ТЪлЦъХЪ, О томъ како первое погани суще языци служили идолом и иже иннъ мнози творять
Видите ли оканьную сию и сквьрньную служьбу стваряемую от сквьрныхъ языкъ елини оканьнии, блядъвьна жьртвы ученьемь дьяволемь, изъобрътено потвореньемъ тъмнаго бъса и кощунамъ злымъ кладомы требы. Зловърнии, мняще суету истиною служаще кланяющеся идолмъ. Нъкое ухыщение бъсовьско творяще. Мы же сихъ, чада, отмьщемся нечтивыя жьртвы, дьяволя служения, и критьскаго оканьнаго учителя, Моамеда проклятаго срачиньскаго жерца, и елиньскыя любве, бубеньнаго плескания, свирилини звуци, плясания сотонина, фряжьскыя слоньниця, и гусли мусикия, и замара, иже бъсятся, жруще м(о)т (е)ри бьсовьстъи, Афродитъ богыни, Корунъ. Коруна же будеть и антихри- сця~мIа›тп, и Артемидъ, проклятъй Диомиссъ, стегноражению, и недоношеныи породъ, и богьмужеженъ, и фивънское безумное пьяньство почитають, яко бога. И семелино тръбокладенье грому и молъньи и вилу, б(о)гу вавилоньскому, его же разби Данило пр(о›р(о)къ. тъм же б(о)г(а)м требу кладуть и творять и Словеньскын языкъ виламъ и Мокошьи дивъ, Перуну, Хьрсу, Роду и рожаници, упиремь и берегынямъ, и Переплуту, и верьтячеся пьють ему въ розъхъ, и огньви сварожицю молятся. Инавьмь, мъвь творять. И въ тьсть мосты дьлають и колодязъ, и ина многая же утъхъ фаликады, и въ образъ створены, и кланяются имъ, и требы имъ кладутъ. Словъне же на свадьвахъ, въклалываюче срамоту и чесновитокъ въ въдра пьють. От фюфильскихъ же и от аравитьскыхъ писании. Научьшеся богларе от срамныхъ удь истькающюю сквьрну въкшають, и суть всъхъ языкъ сквьриъише и проклятъише. Тавьрьская дьторъзанья, иже от пьрвеньць. Лаконьская трьбищная кровь просашаемая ранами, то ихъ епитемья, и тою мажють екатию богыню, сию же д(е)ву творять. И Мокошь чтуть, и Кылу, и Малакыя, иже есть ручьнын блудъ. Пелепово тьмное мясотворье, иже насыщае б(о)гы, творя е алъчьны. Ли трипода Дьлфичьскаго ворожа, и розгометания писаная въ книгахъ. Ли калунстово запоиство чьтуть яко б(о)га. И елиньское волхвование, и волщебную проповьдь, и наузы смрадьнии. От нихъ же никыиже языкъ гоньзнулъ. И халдънская астрономия и родопочитание, иже есть мартолои. И фряжьскыя сны, и чяры, и устрячъ, и кьщь, ефрьновы сквьрньныя басни, яже и всюда суть. И кощюны Митрофа мука, нарицяемая праведная проклятаго Осирида рожение, мати бо его ражающи оказися. И того створиша б(о)г(о)мъ. И требы ему силны творяху оканьнии. И от тьхь извыкоша древле халдъи и начаша трьбы творити свримаб(о)гома, Роду и рожаници по того рожению проклятаго и сквьрньнаго б(ог)а ихъ Осирида. Того же Осирида скажеть книга лъживая и сквьрньная. Срачиньскаго жьрца, Моамеда, и Бохмита проклятаго, яко нельпымъ проходомъ проиде, прожаяся, того ради и б(о)г(о)мъ его нарекоша. Оттоль начаша мыти гузицъ срацини. И болгаре, и тьркмени и олико ихъ есть въ въръ тои, и омытье то въливають въ рътъ, оттуда же начаща елини ставити тряпезу Роду и рожаницямъ. Таже египтяне, таже римряне, даже и до словенъ доиде. Се же слоаеъ начали тряпезу ставьти Роду и рожаницамь переже Перуна б(о)га ихъ, а преже того клали требы упиремь и берегынямъ. По святымъ кр(е)щении Перуна отринуша, а по х(ри)с(т)а б(о)га яшася. Нъ и ныня по укаинамъ ихъ молятся проклятому б(о)гу ихъ Перуну, Хърсу, и Мокощи, и вилам. Нъ то творять акы отан. Сего же не молятся лишити начеише в’ь поганьствъ, даже и доселъ проклятаго того ставления вторыя тряпезы Роду и рожарицямъ на прълесть вьрнымъ хр(и)стьяномь и на хулу с(вя)тому кр(е)щению и на гнъвъ б(о)гу по са(я)тъмь кр(е)щении. Череву работни попове уставища трепарь прикладати р(о)ж(е)ства б(огороди)- ци къ рожаничьнъ тряпезъ, отклады дъюче. Таковии нарицаются кармогузьци, а не раби б(о)жьи. И недъли д(е)нь и кланяются написавше жену вь ч(ело)в(е)чьскъ образъ тварь. Пакы же и се и еще египтяне требы кладут Нилу ръцъ, и огневи, ръкуще, “Нилъ прододавецъ б(о)гъ. И раститель класомъ, а огнь б(о)гъ, егда съхие жито, тогда спорыню творить. Того ради оканьнии полуднье чтуть и кланяются на полъдне обративше. Досюда бесъда си бысть. Досюдъ могохъ написати. Даже несоша ны ц(а)рс(твенн)ю г(оро)у, а мы высъдше исъ корабля. Идохомъ въ с(вя)тую гору. Нь то бяше велико слово. Нъ дотоль написахъ.