А друзии б(ог)у Перену, Хурсу, внламъ и Мокоши, упиремъ, и берегынямъ, ихъже нарицають три съдмь сестрениць, а инии въ Сварожица върують, и въ Артемиду, имже невъглаши ч(е)л(ове)чи молятся и куры имъ ръжють. О убогая кулята, оже не на ч(е)сть с(вя>тым породишася, ни на ч(е)сть върнымъ ч(е)л(ове~комъ! Но на жертву идоломъ ръжються, и то блутивше сами ядять. И янъми въ водах потапляемы суть. А дроузии къ кладязъмъ прихожяще моляться и въ воду мучють, Въмъару жертву приносяще. А друзни огнъви и камению, и ръкамъ, и источникомъ и бербгынямъ и въ дрова. Не токъмо преже в поганьствъ, но мнози и н(ы)нъ то творят. А кр(и)стияне ся наричающеся, мосты и просвъты и бдълникы и чересъ огнь скачють. Мнящеся хр(и)- стьяны, а поганьская дъла творять: навъмъ мовъ творять, и попелъ посреде сыплють, и проповедающе мяса, молоко, и масла, и янца, и вся потребная бъсомъ, и на пець льюше въ бани мытися имъ велят. Чехолъ и убурусъ въшающе въ молвици. Беси же элоумию ихъ смъющеся, поропръщются впопелу томь и следъ свои показають на пролщение имъ. Они же видъвше то отходять, поведающе другь другу. И то проповъданье сами ядять и пиют. Ихже не достоити ни псом ясти. О злыя дияволя прельсть, иже ни погании того не творять. А друзии върують въ Стрибога, Дажибога, и Переплута, иже въртячеся ему пиють в розъхъ, забывше б(ог)а створившаго н(еб)а и землю и Яко Иванъ Элатоустыи рече. Послушаите ....